قصيده الشاعر سالم محمد الرشيدي

تراهـا الصـوره اللـي جـا عليهـا فـالـوداع عـلـوم
فديتـك .. مـا سـواهـا حــرّك الخـفّـاق واوجـاعـه
.
عسى يا احلى هدايا الكون منت بمن حلال القـوم
عسـى يمّـي يجيـبـك مــن تركـتـك عـنـده اوداعــه
.
معاك اضيع يا عمـري وابـي لـو ساعـةٍ مـن يـوم
تضيّعهـا معـي وانسـى وش اليـوم وكـم السـاعـه
.
عشيرك مـن يـد التـرك ليـد الفـرس ليديـن الـروم
هـــذا هـــو يـعـربـيٍ لا نـســى حـلـمـك ولا بـاعــه
.
تـعـال الـكـل ينـشـد عـنـك وطـيـور الخـيـال تـحـوم
وانــا مابـيـن طـيـف وصــوره ودفـتــر وسـمّـاعـه
.
من اول ما اصبح استفـرد بنكهـة سـرّك المكتـوم
واهيم بكل شـارع واندهـك واخـرج عـن الطّاعـه
.
أطـارد شمسـك اللـي لآخــر الدنـيـا بــدون غـيـوم
والـى منّـي ذكــرت اعيـونـك ومغـنـاي وشـراعـه
.
أجـي يـم البحـر واحكيلـه اوّل مــا عـرفـت الـعـوم
وفوق الشّاطي ارسم وجهك اللي سافـر اشعاعـه
.
والى جا الموج يمّي ضمّت ايدي وجهك المرسوم
وطـاحــت نجـمـتـيـنٍ مــــرّت الـخـدّيــن مـرتـاعــه
.
واعــوّد للحـدايـق مــا بـقـى مــن زادي الا الـلـوم
أدوّر عــن عبـيـرٍ كــم وكــم نسـمـه مــن اتبـاعـه
.
أداعــب وردهــا والـفــل والـريـحـان واليـشـمـوم
ولا هو ملمـس الـورد الطبيعـي يـا اجمـل انواعـه
.
وانشّـد عنْـك اناشيـد وعصافـيـر وشـجـر وكــروم
وكـرسـي بـاهـتٍ لـونـه وسـبــع اخـيــوط لـمّـاعـه
.
واشوفـك فـي فساتـيـن وذهــب ومعـلّـق بمنـظـوم
واخبّـر بـك سـرايـا كــل ســوق وغـالـي بضـاعـه
.
واشيـل اوراقـك ام حـروف وقلـوبٍ تشيـل سهـوم
واغنّـي مـا طـرى واطبـع عليـه الطـاري اطباعـه
.
واعـوّد للـوسـاده فــي مـسـاً مـالـه قـمـر ونـجـوم
اصـحّـي صـورتــك مـــن نـومـهـا وتـفــز فـزّاعــه
.
أنـام بحضنـهـا لـيـن الصـبـاح يـقـول صــحّ الـنـوم
وافيـق بوجـه نجـمٍ مــن صـبـاح الخـيـر مطـلاعـه

.
.






تحيـاتـي لـكـم ..

lambard ..!